القايد حي دابنا احياء
ونحنا جيل بيورث لجيل
هوا روح صعدة للسماء
ونحن الثاروالنفس الطويل
نحنا فيه مادرنا عزاء
عزانا فيه مشروعه البديل
هو ماهوش واحد ونتها
ما تسمعش قوت قالو وقيل
هو ما هوش ماظي ونتساء
كيف ننسوه هاذا مستحيل
هو ما جاب غير سبعه ابناء
هوا زحف بي يفش الغليل
هو ماو بات غير عيشه وهناء
بنات الوطن كان بهن كفيل
هو البيان هو عيد الجلاء
هو التحرير هو سبعه ابريل
هوا نهر به وطن ارتواء
يغسل بيه نكار الجميل
هو زولال يروي فالظماء
جابه قهر من منبع النيل
هوا العز والود والبهاء
هو لمان ومعدل الميل
هو الربيع هو عيد الوفاء
هو الشعر ونواصي الخيل
هو مليون للمصحف قراء
حفظوا صب تجويد ورتيل
هو جهاد طمسوه الاعداء
هوا نصب زين بالكليل
هوا الخظر هو لون النماء
هو الزيتون وشموخ النخيل
هو خزان مشروع الحياء
زورالنهر وشرب سلسبيل
هوا الشرف حتى لو طغاء
بعده الوطن مفلوت وذليل
هوا بات كل الشهداء
وكل سجين ما يرقد اليل
هوا كل من شمله اقصاء
ومش جبريل لا عبد الجليل
هو شهيد ما يوم انحناء
سليل اشراف كان نعم السليل
هوا كل من جرحى دماء
وكل مفقود فقدوه العويل
كل معاق يمشي ع العصا
بعد ما كان مرشوق وجميل
وكل قعيد للراتب خذاء
وكل عجوز تدعي ع العميل
والقصه موش قصت من معا
والله ضد واكثر او قليل
قصت وطن داسوه اللاعداء
بدا لي قطر مباح وسبيل
بعده الوطن ما عون ونكفاء
بالي فيه كان طافح الكيل
واللى كان ما يبكي بكاء
دموع الدم مالقلب العليل
واللى كان ما يا كل كلاء
رزق وساب كول ولك جميل
واللى كان ما يحكي حكا
كذب وحق مطوع ايهيل
واللى كان ما يجلا جلاء
هاجر راح من وطنه ظليل
واللى يقول بنخش الخلاء
ويا بريح قاتل ياقتيل
بالقلم الشاعر _علي الكيلاني.